google.com, pub-9994614322377691, DIRECT, f08c47fec0942fa0

لايوجد في الدنيا اهم من الاحساس .. بقلم ـ هدى جاد الجوايدي

تعالي وهات قلمك

وكراسة رسمك

ارسم ورده تكون دبلانه

و ارسم ضحكه تكون بهتانه

و فى نص الضحكه

اكتب اسمك

اكتب نفسيتى تعبانه

ارسم جرح قديم متخيط

ارسم طفل جميل بيعيط

ارسم وش ملامحه عجوزه

لكنه شباب

و ارسم باب مقفول ع الأخر

و ارسم قلب و شال اوجاع

ارسم شله و ناس و صحاب

مبقوش حلوين

ارسم دمعه و رافضه تجف بقالها سنين

ارسم عمر لازال بيضيع على شىء مجهول

و ارسم حلم بقاله كتير على قطر وصول

ارسم لمه

ارسم عيله

و ارسم فرحه جميله بتهرب خلف السور

ارسم بيت كان زحمه لكنه صبح مهجور

ارسم قارب بقا بيميل من كتر الشيله

و ارسم حمل تقيل بيشيله دراع مكسور

ارسم ضحكه خبيثه و زور

ارسم ضلمه فى عز النور

ارسم بلدى وارضى البور

ارسم حلم

ارسم فكره

ارسم جيل مستنى الهجره

ارسم بكره بكل مشاكله

ارسم قلب و عقل فى روحك على طول مع بعض بيتشاكلو

ارسم وشك

و اضحك و انت بترسم شكله

ارسم كل كلام اتقالك

لكن خانك

ارسم نفسك وانت بتجرى فى قلب مكانك

ارسم واكتب اى كلام

و اوعاك تزعل م الأيام

طلع غلك فى الكراسه

فرغ حزنك فى الكشكول

واكتب فى الأخر بالاحمر

” انا بضحك لكن مكسور”

بقلم ـ هدى جاد الجوايدي

بنت قبيلة السادة الجوايدة الأشراف

عن website

شاهد أيضاً

محروس سليم الجوايدي

يا أدعياء الفضيلة .. بقلم ـ محروس سليم

أدعياء الفضيلة   يا من تدعون الفضيلة أفعالكم تظهر خلاف تتظاهروا بالود وكل يوم خلاف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *