google.com, pub-9994614322377691, DIRECT, f08c47fec0942fa0

جوايدية تحذر .. حاسبي ده فخ!!

جروبات المشاكل الأسرية والزوجية خلت الست عايزة تبقى قوية وإوعي تسمحيله يعمل كذا وكذا يا تطلقي إحنا بنقولك أهو!

فيديوهات الروتينات والتنضيف خلتها عايزة تعيش في بيت مفيهوش فتفوتة ولا ترابة على الأرض يا إما تبقي ست مش نضيفة!

بلوجرز الإنستاجرام تبع نفس فيديوهات التنضيف عايزين الديكورات تبقى منورة بيتها في كل حتة حتى لو عندها إبن مبيخليش حاجة مكانها!

بلوجرز السكين كير عايزين الست وشها بيزيق من النضافة وكل سانتي متر فيها ليه روتين وهما أصلاً طالعين بفلاتر! طب ليه .

الفيمنست مش قادرين يتخيلوا إن في ستات كل همها عادي تعمل أسرة وتربي أولاد وإنهم كدة ناجحين عادي!

بتوع التربية عايزينها هادية وكيوت ولو أعصابها فلتت تبقى محتاجة دورات تربية كتير!

صناع القهوة والنسكافيه من كتر العمق اللي بيعملوه مش مخليين الست الغلبانة تستمتع بالنسكافيه اللي اتعمل في دقيقتين والمفروض يتشرب في ٣ دقايق قبل م الولد يصحى من النوم ويبقى عصير متلج..

العالم كله بيدفع الست للمثالية المفرطة في كل شئ وإلا الحياة يبقى ناقصها حاجة

مما أدى إلي أم عصبية مجهدة ومحبطة ومنهكة جسديًا ونفسيًا بتجري عشان تواكب

فلا هي قادرة تكمل ولا هي قادرة توقف!

النموذج الحقيقي جدًا هو أمي وأمك..

الست اللي ربت واشتغلت وطبخت وكنست ونضفت وقدمت حنان وتربية بحزم

وكل ده عملته بهدوء وبحب .

عشان دماغها مفيهاش غير الفطرة وقلبها مفيهوش غير الحب

محدش قال منتثقفش ولا نتعلم..

لكن بعض التحرر من القوالب بيخلي الإنسان يؤدي دوره بشكل أفضل.. وهو هادي ومرتاح ومريح اللي حواليه..

البساطة أحيانًا هي الحل.. اتبع قلبك .

عشان جيس وات

مفيش حد بيعمل كل حاجة بأحسن شكل لأننا بشر ناقصين.

إعداد ـ جوايدية

عن website

شاهد أيضاً

طقس الأثنين حار رطب نهارا على القاهرة والدلتا والسواحل الشمالية

تتوقع هيئة الأرصاد الجوية، أن يشهد اليوم الإثنين ارتفاع طفيف بدرجات الحرارة ليسود طقس معتدل الحرارة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *