google.com, pub-9994614322377691, DIRECT, f08c47fec0942fa0
الشريف مبروك جودة الجوايدي
الشريف مبروك جودة الجوايدي

عائلة الحاج منصور .. حلقات يرويها . مبروك جودة ( 6 )

الثالثه : اثبت لى انك لم تسمع ما أقول بل لم يستهويك وهنا سيندرج عليك ( الذى اتخذ الهه هواه ) وانا محبكش كده لانى بحبك وبحب ليك وليكم الخير والحصه عن الاخلاق يا أشرف عن الاخلاق .

استشعر اشرف الحرج فجلس

ثم وجه الأستاذ عبده سؤالا عاما للجميع فى الفصل .

لو احد الاشخاص بلغك شىء سىء عن صديق ليك فى الفصل تتصرف ازاى ؟!

عايزكم تفكروا وهسمع معظمكم واحد واحد.

محمد : انا شخصيا هشوف اللى هسمعه ولو فى صور او فيديوهات وهخليها معايا للظروف هههه .

على : انا هحذر زمايلنا منه عشان يخلوا بالهم .

أشرف عبد الهادى : ههه أنا بقه هاخد اللى شوفته وهعمل بيه بوست على النت وهشيره أو لو مفيش صور وكده هكتب اللى سمعته فى بوست وهلمح بقه وكده عشان اجيب لايكات ومتابعين واصدقاء .

سامح : أنا هسمع الكلام واشوفه واروح لصاحب الشان وابلغه عشان يتخانق مع اللى قال .

عمر : انا هسمع الكلام وهسكت .

أسامة : انا هسمع الكلام وهرد عن زميلى وممكن اتخانق كمان عشانه .

استمع استاذ عبده لمعظم الأراء وكانت تدور حول ما قاله الطلبه اعلاه .

فقال استاذ عبده : بسم الله ياريت ننصت بقلوبنا قبل آذانا وعقولنا ، ياريت .

أولا وجب على كل فرد ان راى شرا من صاحبه ان يستره ، ثم ينصحه بينه وبين صاحبه ( من ستر مسلما فى الدنيا سترة الله يوم القيامة )

تعالوا نفسر ونشرح على ردكم اللى قلتوه ، وحابب ارد عليه رد رد .

فى البداية لازم نعرف ان الهدف فى اى مجتمع صحيح اجتماعيا هو الستر والتغاضى عن الذلات وعدم السعى لنشر الفضائح او كشف عورات الناس او نشر ما يدور فى بيوتهم .

محمد قال انه هيخلى الصور والحاجات اللى سمعها وشافها عن زميله يمكن يحتاجها ..وهنا هو يقصد قد يضطر لابتزاز صاحب هذه الاشياء ويضغط عليه ويشعره فى يوم من الايام بضآلته او للضغط عليه لتنفيذ امر ما .. وهذا مرفوض شرعا وقانونا ولا يمت للاخلاق بصفه لا من قريب او من بعيد .

اما على فقال : انا هحذر اصدقائنا منه عشان يخلوا بالهم وده كمان خطأ لانه بكده اولا فضح شخص لا يعلم ملابسات خطئة .

ثانيا قد يكون ما سمعه او رآه خاطىء فيكون فضح الشخص وكمان ظلمه وساهم فى نشر الخطأ وكمان ليس لهذا علاقة بالاخلاق .

أما اشرف للاسف ف اللى بيقوله ده اشد فعل واسواها لانه استغل خطا شخص وفضحه وشهر بيه هو وكل من يحبه بل واستفاد من هذا الفعل الخاطىء وهذا فعل شيطانى وليس فعل بشر ولا علاقة له بالاخلاق .

أما سامح وان كان رد فعله اثارة بسيطه شويه الا انه هيوقع عداوه وبغضاء بين من نشر الكلام الخاطىء وبين صاحب الفعل ومن الاخلاق ان تصلح بين المتخاصمين او بين المتناحرين وليس اشعال الفتنه بينهم وان كان ولابد ابلاغ صاحب الشان بلا ذكر اى اسم بها قدر كبير من الاخلاق والتربيه والترابط وليس لها اى اثر سلبى .

اما عمر فقال هيسمع ويسكت وهو فعل ليس بالخاطىء ولكنى هنا اطلب شيئين اولهما ان ينصح من نقل له الكلام ويذكرة بربنا وان ده ابتلاء ممكن نصاب بيه كلنا وكمان عليه ان يدعوا للفاعل وينصح الناقل للكلام .

أما اسامه هيسمع ويتخانق مع اللى نقل وهذا ايضا اثارة سلبيه جدا لان كل من يراك فى نزاع سيسأل عن سببه وسينثر الامر وتكون بكده فضحت صاحب الفعل بل زادت الشحناء بينك وبين صديق .

شوفوا يا اولادى .. وقت حل اى مشكله عليك التركيز على امرين ( الأول ألا تفضح او تؤثر سلبا على احد . ثانيا ان تبنى اواصر الحب والتآلف )

ربنا يحفظكم يا اولادى ويبارك فيكم ويارب دايما افتخر بأخلاقكم قبل علمكم فبالاخلاق هتتزينوا وتزينوا الدنيا كلها.

ينتهى اليوم الدراسى ويتجه استاذ عبده الى بيته

انتظرونا السبت والأثنين والأربعاء

مبروك جودة الجوايدي

أمين عام مجلس قبيلة السادة الجوايدة الأشراف

الحلقة الخامسة

عائلة الحاج منصور .. حلقات يرويها . مبروك جودة ( 5 )

الحلقة الرابعة

عائلة الحاج منصور .. حلقات يرويها . مبروك جودة ( 4 )

الحلقة الثالثة

عائلة الحاج منصور .. حلقات يرويها ـ مبروك جودة ( 3 )

الحلقة الثانية

عائلة الحاج منصور .. حلقات يرويها ـ مبروك جودة ( 2 )

الحلقة الأولى

عائلة الحاج منصور .. حلقات يرويها ـ مبروك جودة ( 1 )

عن website

شاهد أيضاً

محروس سليم الجوايدي

يا أدعياء الفضيلة .. بقلم ـ محروس سليم

أدعياء الفضيلة   يا من تدعون الفضيلة أفعالكم تظهر خلاف تتظاهروا بالود وكل يوم خلاف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *