الحياة .. لشاعر العامية ـ الجوايدي محمد تريكة

الحياه زى الكليه

فيها الطالب والمعيد

واللى يفشل فيها لازم

يبقى من الاول يعيد

دنيا فانيه ماحد باقى

عيش فيها زى الغريب

كل ماتكبر تلاقى

كله عاملك حبيب

كله ماشى بالف وش

والحياه مليانه غش

وان مافوقتش منها لازم

تاخد منها احلى دش

لما تصاحب حد فكر

واوعى تفتحله الكتاب

واوعى فى الكلام تكتر

لتجرب غدر الصحاب

بس الناس مش زى بعض

فيها الوافى وفيها الواطى

وانت لازم تاخد عهد

انك لا يمكن تطاطى

الدنيا لهيانا فيها

مانفوقش الا لما نخسر

واللى يفكر يشتريها

يبقى هتبقى خسارته اكبر

فى الختام بنقول سلام

على ملوك الاحترام

عاللى عايش فيها رايق

واللى ريح باله نام

شاعر العامية

محمد تريكة تريكة الجوايدي