اسأليني السعر كام .. شعر – أحمد خميس عبد الجواد
website
26 أغسطس، 2022 3:25 م
ثقافة وأدب
756 زيارة
اسأليني السعر كام
متدوريش على كدبة تقوليها
كل افكارك قاريها
فاهم حروفها و معانيها
من اول يوم غرام
متداريش عني عينيكي
قوي قلبك ع الكلام
لغة العيون صدقيني
بتبان على طول اوام
انا عارفك ايو عارفك
اكتر من نفسي وحافظك
وسهرت ليالي انا جنبك
عايش عمري في اوهام
كلمة عايزك تعرفيها
بس ياريت تفهميها
لو تبيعي مره نفسك
اسأليني السعر كام