خلصت كلامك .. شعر ـ محمد تريكة

خلصت كلامك ولا لسه

يالى انت مافكش حاجه حاسه

فى كلام كتير اتقال ولسه

فى تانى كلام

********

ولا انت عايزنى ابعد واسيبك

وسط الاحزان وتاخد نصيبك

من الايام ماهو برضه عيبك

بياع كلام

*********

ايام زمان عشنا سوا

اجمل ليالى

لو يوم تعبت انت الدوا

اه كنت غالى

*********

دلوقتى ضيعت اللى بيننا

فى كلمتين

وكأن كل اللى مابيننا

كان يومين

*********

بكرة هاتدفع الثمن

وتقول ياريت

ماكنت يوم عشنا سوا

ولا يوم على بالى جيت

انت اتنسيت

*********

وبقيت كمان زى اللى عايش

مش لاقى بيت

ولا حتى قلب يحس بيك

لو يوم حكيت

تحياتى ….محمد تريكه تريكه