الجوايدة ملتقى عائلات السادة الجوايدة الأشراف
هو يوم ماطلعش دنيا
هىَّ ليلة مش ليالي
فارقة بس :
دا حزن عادى ، ولا حزن عزيز وغالى
واحنا أجدع ناس نبالى
ونجرى ورا تفاصيل تاخدنا
للدموع تلطش خدودنا
من مافيش
برضه احسن ناس تعيش
طول حياتها عشان تراضى
نورث الخذلان أراضى
نملك الفقد فى بيوت
إحنا قوت الحزن
لما يجوع يلاقى غيرنا مين !
الأمل جاى م الشمال والفراق جاى م اليمين
نبقى فين ؟
ولفين هانهرب م الخسارة والهزايم
إيه اللى ممكن أعمله
وياخدنى ليا
من دماغى بشكل دايم !
