الشاعر الجوايدي محمد عرفة
ولاد الأصول .. شعر – محمد تريكة
website
4 نوفمبر، 2021 1:17 م
ثقافة وأدب
605 زيارة
لو نتكلم عن الاصول
احنا فيها معلمين
و بالكلام نعرف نقول
بس ده شغل صغيرين
زمان
لما كنا ساعات نرد
كانوا يقولوا بس عيب
واما بالكلام تصد
تبقى عدو ومش حبيب
واما كبرنا مع الزمان
كل شئ بسهوله بان
الكبار ضحكوا علينا
كانوا فاكرينا نسينا
طب ما كنتوا علمونا
ازاى نحور فى الكلام
ولا فالحين تضربونا
وفاكرين انه احترام
كل مالواحد بيكبر
يكتشف حاجات كتير
انه عاش فى وهم اكبر
والكبار مافيهومش خير
يالى بتقول يلا عدى
لاجل ماتزعلش حد
والله مالمركب هتمشى
طول ماسايقها الف حد
طب وليه اهرب وابعد
طب وليه ماشوفش حل
طب ازاى عن اصلى ابعد
واعيش فى نار وقرف وذل
ادينا بنفوت كتير
والحياه من سوء لاسوء
للعتاب بيجيب نتيجه
ولا الكلام بقى يحوق
يبقى الحال كما هو عليه
الاصول مش بالكبير والصغير
الاصول اللى متربى عليها
لا يمكن على ناسه يتغير
شعر – الجوايدي محمد تريكه تريكه
شاهد أيضاً
اسأليني السعر كام متدوريش على كدبة تقوليها كل افكارك قاريها فاهم حروفها و معانيها من …